Madinaeag-on nga nadipensahan ni Gervonta Davis ro anang WBA interim lightweight title matapos piyerdihon si Rolly Romero.
Ginpapundo eon it referee ro hampang sa tunga it ika-an-um nga round sa boxing match nga ginpatigayon sa Barclay’s Center sa Brooklyn, New York.
Sa umpisa paeamang it hampang hay nakipagbakbakan eagi it bayu si Romero kay Davis.
Pagsueod it ikaywang round hay naging agresibo raya sa anang mga bayu ag kombinasyon asta matamaan ni Davis ro anang ueo.
Sa pihak nga parte, bangud sa kadaeag-an hay may perpektong record si Davis nga 27 nga daog ag owa it piyerde nga may 25 knockouts samtang si Romero hay nasamitan ro kauna-unahang kahigayunan ga mapiyerde kung siin may 14 imaw nga daog ag sambilog nga piyerde nga may 12 knockouts.
