-- ADVERTISEMENT --
KALIBO, Aklan—Presenteng naka-confine sa Aklan Provincial Hospital ro sangka senior citizen ag motorista matapos ro nag-eontad nga aksidente sa national highway nga sakop it Brgy. Venturanza, Banga.
Base sa report, nagapatabok it karsada ro biktimang si Johnny Tañon, 67-anyos, residente it nasambit nga lugar kun siin owa kara matueopangdan ro naga-paabot nga motorsiklo nga ginamaneho ni Juan Nallas, 30-anyos it Brgy. Fulgencio, Balete rason para imaw hay mabanggaan.
Nasayuran nga halin sa direksyon it banwang Balete si Nallas ag nagapaadto sa banwa it Banga kat matabo ro aksidente.
Ro daywa hay parehong nag-angkon it head injury rason nga insigida sandang gindaea sa nasambit nga ospital kun siin sanda padayun nga ginabueong.
