KALIBO, Aklan–Ginpasiguro it Police Regional Office (PRO)-6 nga owa nanda gina-tolerar ro mga saea nga hilimuon it pilang police personnel.
Suno kay PLTCOL Arnel Solis, tagapaghambae it PRO-6 nga una eon sa paghinakop it Capiz Police Provincial Office ro daywang ka mga police officer nga gina-alager nga may ginsakit nga mga civilian.
Padayun sigon nga gina-imbestigahan ro nasambit nga mga persona kamana man nga nagapadayun ro andang pagtipon it ebidensya.
Engkaso sigon nga mapamatud-an nga nag-eabag sa laye ro daywang ka mga pulis hay magapangatubang sanda sa nagakaigo nga kaso ag penalidad.
Dapat suno kana nga magserbi nga manami nga halimbawa ro kada personnel ag magtao it proteksyon sa mga pumueoyo.
Sa pihak nga parte, ginpaathag man ni Solis nga nakaangkon it ap-at nga porsyento nga pagnaba sa mga nailistang krimen sa unang semester it dag-on kung igakumpara sa kaparehong period it 2021.
Nagakahueogan sigon raya nga epektibo ro ginahimo nga pagbantay it mga kapulisan apisar nga naghaeuga eon ro restrictions matapos ro pagpanaeasa it COVID-19 pandemic.
