KALIBO, Aklan—Parehong nagpaathag ro daywang kongresista it probinsiya it Aklan angot sa andang panindugan sa kontrobersiyal nga Boracay Island Development Authority bilang Government-owned and-controlled corporation ukon BIDA-GOCC nga imaw ro magadumea sa isla it Boracay.
Sa ginpatigayon nga press conference, ginpaathag ni 2nd district congressman Ted Haresco nga matapos maipasa it manaba nga kapueongan it kongreso ro nasambit nga bill sa botong 182 to 2, nakibot sanda nga daywa eon lang sanda ni 1st district congressman Carlito Marquez ro nagkontra sa bill maskin nga nauna eon nga nagpahayag ro ibang kaibahan nanda mamalidha nga eabag raya sa konstitusyon.
Sa pihak kara, kaibahan sigon sa naaprubahan hay ro anang daywang bersyon nga boracay council ag ag alienable and disposable land bill.
Ro away sigon kara makaron hay sa senado ag engkasong talakayon raya it bicameral conference committee hay siguradong magadaog ro posisyon nanda ni congressman carlito marquez ag governor Florencio Miraflores nga nagakontra sa BIDA-GOCC.
Pagaboe-an sigon kara it kinamatarung sa Boracay ro mga aklanon ag posibleng imbes nga 1st class municipality hay magiging 5th class municipality ro probinsiya.
Sa pihak nga parte, ginpunto man ni congressman marquez nga ro una nanda nga ginaduso kaibahan ro anang bersyon hay ro BIDA nga regulatory body ag bukon it GOCC.
Matapos sigon nga aprubahan ro bill pinaagi sa zoom meeting hay owa eon sanda it nahimo.
