KALIBO, Aklan—Ninahan ro daywang ka mga motorista matapos sumunggab sa tricycle sa national highway nga sakop it Brgy. Panayakan, Tangalan.
Ginkilaea ro driver it motorsiklo hay ginkilaeang si Arvie Tugo, 20-anyos samtang ro anang backrider hay ginkilaea man nga si Tessie Pascua, sa legal ag parehong residente it nasambit nga lugar.
Sa inisyal nga imbestigasyon it Tangalan PNP, samtang nagabyahe pauli ro magtiya halin sa Brgy. Tagas hay gulpi eamang nga nag u-turn ro andang kasub-eang nga tricycle nga ginkilaeang si Emort Macahilig, 44-anyos agud nga mag pick-up it pasahero rason nga natigayon nanda raya nga nasunggaban.
Ro magtiya hay nakaangkon it gasgas sa kaeawasan nga insigida man nga nadaea sa baeay paboengan para sa andang nagakaigong medikasyon.
Samtang, posible nga maga areglo ro magtimbang nga parte sa taeatapan it pulisya para sa nagakaigong disposisyon.
