Umabot eon sa 25 ro numero it mga namatay sa pagpanaeasa it nagtaliwang mga kalamidad sa bansa. Sa datos it National Disaster Risk Reduction and Management Council makaron nga Sabado, 10 sa namatay hay halin sa Mimaropa, 5 sa Region 6, 2 sa region 7, 4 sa Region 9 ag 4 sa BARMM.
Sa naunang 13 nga ginbalita nga naninahan bangod sa epekto it mga bagyo ag habagat, 3 tatlo kara ro kumpimado eon samtang ginaberipika pa ro 10 nga iba pa. Sa presente nga datos, 8 pa gihapon ro numero nga naduea kung siin 6 kara ro kumpirmado eon samtang ginaberipika pa ro 2 missing.
Sa mga nadaeasa nga pamilya, masubra sa 380,000 pa gihapon ro apektado kung siin nagapabilin sa mga evacuation center ro masubra sa 5,000 nga pamilya. Sa datos man it ahensiya, nakalista it 5 insidente it landslide sa Region 2 ag tig-1 sa Calabarzon ag Region 5. Samtang, naghubas eon man ro baha halin sa 113 lugar nga nauna eon nga nabalita nga binaha bangod sa mga malala nga pag-uean daea it mga nagtaliwan nga bagyo.
Deri-deritso man ro paghatod it gobyerno it nagakaigo nga bulig para sa mga nadaeasa nga pamilya kung siin masubra sa P43 million ro balor it relief assistance nga ginpanueopod.
