USA – Sumaka eun sa 10 katawo ro namatay sa nagapadayon nga maeaparan nga wildfires sa Los Angeles, California, USA.
Bangud kara nagpaandam ro mga awtoridad nga mahimo nga mas mataas pa ro death toll sa tunga it nagapadayon nga pagsuyod it mga responder sa pila sa mga pinakaeubos nga tinamaan nga lugar.
Ginhimo ro nasambit nga paandam kadungan it pag-umpisa it mga bumbero nga libuton ro lugar nga nakalista it mabahoe nga wildfires nga kaabuan sa Palisades Fire na nakaapekto sa Pacific Palisades area it Los Angeles ag ro nagtuhaw nga Eaton fire nga nakaapekto man sa Pasadena.
Bangud kara, magsobra 10,000 estruktura ro nasamad.
Ro Palisades fire nga ro ginkabig makaron nga pinakamabahoe nga wildfire nga nailista sa bilog nga kasaysayan it Los Angeles, CA.
Ro natabo nga wildfire sa LA hay ginapatihan nga daea it Santa Ana winds nga extreme ag dry winds nga masami nga kada maeamig ro tyempo o winter months.
Sa eksplenasyon it mga eksperto, ro hangin nga nagahuyop kada tag-eamig hay maea bangud uwa raya nagahalin sa mga anyong tubig, bagkus raya hay ginatawag nga offshore winds.
