Magapatigayon ro Department of Budget and Management (DBM) it pagtuon sa sweldo it mga state workers sa masunod nga dag-on.
Tuyo kara hay para matumod ro nagakaigong haega it adjustment nga igatugyan it gobyerno.
Ginpahayag ni DBM Organization, Position, Classification and Compensation Bureau Director Gerald Janda, pilang grupo ro nag- apela para sa minimum nga bueanang suweldo nga P33,000 para sa mga empleyado it estado sa tunga it padayon nga pagtaas it presyo it mga consumer goods ag serbisyo.
Ro mga minimum wage earners sa gobyerno hay nagakita sigon it P12,517 kada buean.
Nauna eon nga ginpahayag it Budget department nga ro pagtaas it minimum wage para sa mga empleyado it gobyerno hay magakinahangean it pagdihon it bag-ong laye.
Nauna eon nga ginpahayag it taeatapan nga igapatuman sa 2023 ro ulihing tranche it pagbag-o sa iskedyul it suweldo para sa mga civilian personnel kasunod sa Republic Act 11466, ukon Salary Standardization Law
