Department of Health ginpasiguro nga may bastanteng suplay it doxycycline kadungan it nagalala nga kaso it leptospirosis sa nasyon

Ginpasiguro it Department of Health nga mabakae eon makaron sa merkado ag health centers ro doxycycline nga ginagamit pangbueong sa leptospirosis.

Raya hay sa tunga it pagsikad it numero it mga pasyenteng may kasoit nasambit nga bacterial infection kasunod it maeapnagong pagbaha sa Luzon ko nagtaliwan nga buean.

Apang sa pihak kara, gin-insister ni DOH spokesperson Assistant Secretary Albert Domingo nga kinahang-ean gihapon magpa-konsulta sa doktor antes gumamit it nasambit nga bueong bangud nga inde raya pwede imnon it mga nabdos ag mga onga nga 12 anyos panaba.

Ginduea man it ahensya ro kabaeaka it publiko ag ginpahayag nga available ag libre raya sa mga public health centers.