Nagpanawagan si Department of Justice Secretary Jesus Crispin Remulla sa kampo it ginpatalsik nga kongresista nga si Arnolfo Teves Jr nga punduhon eon ro mga ginahimong delaying tactics ag sa baylo hay atubadngon eon lang ro mga kaso kara sa korte.
Suno kana, dapat likawa it mga raya nga magtao it uwa it basehang akusasyon kontra sa gobyerno it Pilipinas nga pwedeng makasamad sa integridad it Justice System.
Ginhimo it opisyal ro pahayag kasunod it pagpangayo sigon ni Teves it bulig sa United Nations, Amnesty International, human rights groups ag kay Pope Francis.
Base sigon sa sueat nga ginpadaea sa mga nasambit nga ahensya ag indibidwal, gin-insister nga imaw hay bukon it makatarungang ginausig it gobyerno it Pilipinas ag ginapasibangdan.
Ginkategorya it Department of Justice ro mga pahayag bilang haka-haka ag sangka delaying tactics nga kon sa siin ginapaguwa sigon it dating mamalidha nga imaw hay biktima.
