Ginpasiguro it Department of Public Works and Highway (DPWH) nga may-una eon sandang nakahaom nga flood control masterplan para sa tanan nga 18 major river basin sa bilog nga nasyon.
Raya hay matapos kwestyunon ro DPWH kon siin ro nasambit nga masterplan bangud sa natabo nga pagbaha sa Metro Manila resulta it pagpanaeasa it Bagyong Carina ag habagat.
Ginpahayag ni DPWH Sec. Manuel Bonoan nga kaibahan sa master plan ro Pasig-Marikina flood control management system. Presente eon sigon nga gina-update ro master plan para mas himuon pa raya nga komprehensibo.
Ginmanduan man ni Pangueong Ferdinand Marcos Jr. ro DPWH nga ikonsidera man nga tipunon ro mga tubi nga magahalin sa water shed areas. Sambilog raya sa nakikita nandang solusyon para mapahinay ro pagdaeagan it tubi-baha panaba sa mga low lying areas.
Ginpahayag ni Bonoan nga kapin sa 656 nga flood control projects eon ro nakumpleto sa Metro Manila.
