KALIBO, Aklan—Gin-aku ni Assistant School’s Division Superintendent Jose Niro Nillasca it Department of Education ukon DepEd Aklan nga manaba ro turn-out it mga enrolles sa unang dominggo it nagapadayon nga enrollment period.
Sa pihak kara, naintindihan man sigon nanda ro sitwasyon kon sa siin may mga ginikanan pa nga nagaduha-duha kon ipaenroll ro andang mga onga makaron nga school year.
Raya hay bangud gihapon sa nagapadayon nga epekto it Covid-19 pandemic kon sa siin uwa ginapahanugutan ro pagpatigayon it face to face learning agud nga masunod ro social distancing.
Apang, uwa raya nagakahueogan nga mapundo ro pagtinueon-an sa nasyon bangud nga una pa ro online ag modular learning nga sarang mapilian it mga ginikanan agud nga mapadayon ro pag-eskwela it andang mga onga.
Nasayuran nga ro remote enrollment sa mga pampublikong eskwelahan hay nag-umpisa ko Hunyo 1 hasta 15 kon sa siin ro mga manugturo it mga learners sa nagtaliwan nga school year ro nakipag-angot sa mga ginikanan pinaagi sa text, tawag ag messenger sa facebook.
Samtang, sa Hunyo 15 hasta it 30 hay para mat-a sa mga ginikanan nga owa it access sa internet ag cellphone nga ginatawag nga physical enrollment kon sa siin pagataw-an sanda it pormas nga enrollment ag survey form nga sarang mabo-oe sa mga barangay hall ukon sa mga eskwelahan it natungdan nga lugar.
