Nagpanawagan ro Department of the Interior and Local Government (DILG) sa tanan nga lokal nga gobyerno nga magpatuman it mga mahugot nga ordinansa kontra sa paggamit ag pagbaligya it mga tobacco ag vape products.
Sa ginpaguwa nga memorandum circular, ginpamilit it DILG ro kinahangeanon nga sumunod ro produksyon, distribusyon, ag pagbaliya it mga produkto ngara sa mga naga-iral nga laye.
Kaibahan sa mga ginhambae nga laye ro Republic Act (RA) 9211 ukon Tobacco Regulation Act of 2003, RA 11900 ukon Vaporized Nicotine and Non-Nicotine Products Regulation Act, RA 10643 ukon Graphic Health Warning Law, RA 11467, ag RA 10351.
Ginengganyo man ro mga LGU nga magbilofg it sariling mga sueundanan para sa smoke-free environments, pagpatindog it mga smoking areas, ag tamang pagpaskil it graphic health warnings.
Tuyo karang siguruhon ro mas istriktong pagpatuman it mga regulasyon sa nasambit mga produkto.
Suno sa DILG, mahaega ro papel it LGU sa pagpatuman it mga laye para maprotektahan ro ikamayad nga eawas it publiko kontra sa maeain nga epekto it pagpanigarilyo ag paggamit it vape.
