KALIBO, Aklan—Haeos nalimpyuhan eon ro tone-toneladang gam-ok nga gindagsa sa bi-bi it baybayon sa isla it Boracay ko nagtaliwan nga adlaw bangud sa habagat nga mas pang ginpabaskog it nagtaliwan nga mga bagyong Goring ag Hanna.
Suno kay Malay municipal tourism officer Felix Delos Santos nga sa pilang parte it isla hay makit-an pa ro mga gam-ok nga kaeabanan hay mga sanga ag dahon it nagkaeain-eain nga klase it punong kahoy partikular ro drift wood.
Ginpahayag it mga residente nga raya ro unang kahigayunan nga napuno it mga gam-ok ro bi-bi it baybayon.
Angot kara, insigidang nagpatigayon it clearing operation ro lokal nga gobyerno it Malay kabulig ro mga beach cleaner, Boracay beach guard, Malay Auxiliary Police (MAP), Malay Solid Waste, Muslim Community ag mga tawo sa lugar para mapadasig ro pagbuoe it mga gam-ok a beach front.
Ginapatihan nga ro nasambit nga mga gam-ok hay maghalin sa mga kaeapit nga probinsya ag isla.
Gindugang pa ni Delos Santos nga hugut nanda nga ginapatuman makaron sa isla ro ‘linis ko , tapat ko’.
