HEALTH News– Ginlaygayan it Department of Health (DOH) ro publiko nga magsunod gihapon sa health protocols sa pihak it pagbo-oe sa state of public health emergency sa nasyon.
Ginpahayag it DOH nga ro padayun nga awareness ag pagsunod sa mga ginarekomendang protocol sa ikamayad nga eawas hay pinaka-importante sa pag-dahan sa mga komunidad halin sa mga potensyal nga peligro sa ikamayad nga eawas.
Sa pihak kara, gindayaw ni Health Secretary Teodoro Herbosa ro desisyon it Malacañang ag nagpabor nga ro mga kondisyon makaron hay owa eon nagakinahangean nga mapadayun ro public health emergency status.
Ro Inter-Agency Task Force (IATF) hay magapatigayon it pinal nga pueong agud nga pormal nga tapuson ro emerhensiyang pang-ikamayad nga eawas it publiko ag magapaguwa it sangka komprehensibong ulihing report.
Ginpanipuslan man ni Herbosa ro kahigayunan agud nga dayawon ro huwarang pagbuyot ag owa it kahadlok nga promisa it IATF ag ro mga medical frontliners nga nagpakita it kapag-on ag kabaganihan sa bilog nga hangkat it raya nga paniempo.
Gindeklara ni dating pangueong Rodrigo Duterte ro state of public health emergency sa Pilipinas ko Marso 8, 2020, pinaagi sa Proclamation 922 matapos nga unang napabalita ro Covid-19 transmission sa nasyon.
Ginduea man ni Pangueong Ferdinand Marcos Jr ro deklarasyon sa bilog nga nasyon pinaagi sa pagpaguwa it Proclamation 297, daywang adlaw antes ro anang ikaywang State of the Nation Address kahapon ,Hulyo 24.
