KALIBO, Aklan—Masubo ag masakit sa parte it mga negosyante ro domino effect it sigidas nga pagtinaas sa presyo it langis sa pangkalibutanong merkado.
Raya hay matapos nga ginakabaeak-an nga umabot sa P100 kada litro ro presyo it petrolyo sa mga masunod nga dinominggo matapos nga gin-implementar makaron nga adlaw it Martes ro dugang nga pagsaka sa presyo it langis.
Suno kay Mr. Ramel Buncalan, board of director it Philippine Chamber of Commerce and Industry-Aklan chapter ukon PCCI-Aklan nga eauman ro pagsaka sa presyo it mga nagkaeain-eain nga produkto bangud nga igapatong man it mga negosyante sa andang baligya ro dugang nga saka sa presyo it produktong petrolyo.
Ro mas apektado sigon kara hay ro mga konsumidor bangud nga magatuga it kalugihan sa mga negosyante kon inde sanda maghimo it tikang nga masurvive ro andang negosyo.
Mag-eowas kara, posibleng magabawas it tawuhan ro mga tag-iya it establisyimento agud nga masustain ro andang operation.
