KALIBO, Aklan—Nagpromisa ro department of transportion ukon DOTr nga magatau it pondo para sa construction it cruise ship port sa Caticlan jetty port.
Raya hay kasunod it ginpatigayon nga inspection ni DOTr Sec. Jaime Bautista sa anang pagbisita sa lugar ko nagtaliwan nga adlaw.
Suno kay port administrator Esel Flores nga nakita nana ro plano it design it proyekto nga nakatutuk sa reclamation area.
Sambilog sa mabahoe nga pagataeanaan it pondo hay ro pagbutang it breakwater ag ramp agud nga maging masoehay ro pagdungka it mga cruise ship.
Bangud nga sa open sea makaron nagapundo ro cruise ship, engkaso nga makaangkon it maeain nga paniempo hay owa eon ginapapanaog ro mga turista agud nga indi mabutang sa peligro ro andang kabuhi.
Gindugang pa nga owa eon it masyadong ayuson sa old building mag-eowas sa pagbutang it mga dugang nga air conditioning unit.
Ginatutukan makaron it administrasyong Marcos ro port construction ag development agud nga maka accommodate it mga cruise ships sa nasyon kasunod it target nga obrahon ro turismo bilang sambilog sa mga economic plans agud nga makabangon halin sa epekto it Covid-19 pandemic.
