Nagmedyu ghost town eon ro downtown Los Angeles matapos nga naabu ro mga istraktura kasunod it pagpanaeasa it wildfires nga nag umpisa sigon sa nabukid nga parte it Palisades.
Suno kay Bombo International News Correspondent Erich Nicolas nga puro abo ro makita makaron sa palibot matapos nga masunog ro mga saeakyan, kabaeayan ag mga edipisyo
Sa pilang adlaw suno kana nga pagpamerwisyo it wildfires hay kumaon raya sa ekta-ektaryang kaeugtaan it komunidad nga kasingbahoe it Quezon City.
Ginasugid nga haeos 8 percent pa eamang it kaeayo ro natapna rason nga nagapabilin nga sa idaeum it high fire alert ro nasambit nga lugar.
Haeos patay eon suno kana ro kaeayo sa may west Hollywood ag ro sunog hay nagapasaka eon sa nabukid nga portion it eaton ag palisades .
Ginasugid sigon it mga awtoridad nga mayad raya nga kahigayunan agud nga madali nga mapatay ro kaeayo eabi pa ag naghina eon ro dry storm ukon ginatawag nga santa ana wind .
Libu-libong mga residente suno kana ro nagapabilin sa mga gintaeana nga evacuation centers.
Sa makaron hay nagsaka eon sa 11 nga katawo ro napabalitang namatay nga kaabuan hay na-trap sa andang mga baeay.
Sa pihak nga parte, ro asu suno kana halin sa wildfire hay naka-apekto sa andang ikamayad nga eawas rason nga obligado sanda nga maggamit it facemask .
Dugang pa nga naka apekto man raya sa mental health it mga pumueuyu bangud nga ro dati nanda nga madali ag matawhay nga pagpangabuhi hay nabayluhan it kalisod bangud sa andang sitwasyon.
