-- ADVERTISEMENT --
Uman nga ginsaraduhan ro Strait of Hormuz sa mga oil tanker ag mga commercial vessel kasunod it bag-o nga pag-atake it Amerika, suno sa gin-anunsyo it Iran, adlaw it Huwebes, Hunyo 11.
Nagpaandam ro Iran nga pagapaeukpan nanda ro maskin anuman nga saeakyang pandagat nga magahana nga maga-agi sa ruta.
Ginpahayag it US ko adlaw it Miyerkules nga ro mga commercial ships hay pwedeng makasueod ag makaguwa pa sa Strait of Hormuz.
Ginpamalibaran man kara nga may naigo nga US warships sa strait, kabaliskaran sa report it Iranian state media nga naghambae nga ginpuntirya it mga missiles ag drones it Iran ro mga barko it US.
Bilang resulta, insigida nga nagsaka ro presyo it langis sa $2 kada bariles.
-- ADVERTISEMENT --
