Nagtaliwan eon si Princess Bajrakitiyabha it Thailand matapos nga raya hay ma-coma it masobra sa tatlong dag-on.
Gin-anunsiyo it royal household ro eubusan nga pagkamatay it 47 anyos nga Thai Princess.
Ko Disyembre 2022 kat gulpi eon lang nga natumba samtang naga-ehersisyo kaibahan ro anang ayam.
Sa ginhimo nga pag-usisa it mga doktor hay nakaangkon raya it mycoplasma infection sa anang tagipusuon.
Imaw ro panganay sa pitong magmaeanghud nga unga ni King Vajiralongkorn.
Natawo ko Disyembre 7, 1978 kun sa siin nagsanay imaw it abogasya ag may daywang post-graduate degrees halin sa Cornell University sa US.
Nagtrabaho man imaw sa pilang dag-on sa Thai mission sa United Nations sa New York bago bumalik sa Thailand ag nagtrabaho sa Attorney-General’s office sa Bangkok.
