KALIBO, Aklan—Ginpasiguro it Department of Public Works and Highways (DPWH)-Aklan nga ginatinguhaan nanda nga matapos it pag-ayos ro mga mabahoe nga patholes sa national highway nga sakop it Eastern side it probinsya.
Suno kay Engr. Joey Ureta, Chief it Maintenance Division it DPWH-Aklan nga sigidas ro andang pag-ubra agud nga matapos ro pag-repair.
Ginabueobanta nga matigayun eon nanda nga matapos ro repair sa sueod it daywang dominggo kung magnami ro daeagan it panyempo.
Ginataw-an sigon nanda it prayoridad makaron ro mabahoe nga patholes sa kahabaon it Kalibo ag Banga.
Sa kamatuoran suno kana, maskin weekends ag holiday hay padayun ro andang trabaho agud nga madali nga matapos repair.
Nasayuran nga maabu eon nga mga motorista ro nagpaabot it andang concern bangud sa mga buho-buho sa national highway nga takaw-aksidente ag delikado eabi eon kung gabi-i.
