POLICE Report — Patay ro sangka mangunguma matapos raya nga ginbagnos sa karsada it anang kainuman sa Sitio Himabalod, Brgy. F Nanadiego, Mulanay, Quezon.
Ginkilaea it Mulanay police ro biktima nga si Miguel Hermita, 56 anyos ag residente sa nasambit nga lugar.
Suno sa report it Mulanay Police, bandang 7:00 it gabi-i kat makita it daywang naga-agi sa lugar ro bangkay nga nagahamyangon sa kilid it barangay road.
Nagatuhaw sa imbestigasyon nga naga-inuman ro biktima ag ro suspek nga si alyas ‘Angel’, 52 anyos, sa birthday celebration it andang kaeapitbaeay kat mag-obra it eksena ukon nagmaoy ro biktima bandang alas 4:30 it hapon.
Nagdesisyon ro suspek nga ihatud eon pauli ro biktima apang nakaangkon it diskusyon ro daywa hasta nga eubusan nga maakig ro suspek ag makapilang beses sigon kara nga ginbagnos ro itsura it biktima sa kongkretong karsada nga naging rason it anang pagkamatay.
Matapos ro insidente, nagsurender ro suspek sa mga opisyal it barangay nga sanda ro nagdaea sa estasyon it kapulisan.
Ginapahaum eon it Mulanay police ro kasong Murder kontra sa suspek.
