KALIBO, Aklan — Owa eon nabugtaw pa ro sangka 52-anyos nga eaeaki matapos ro kapin sa sang domingong pag pakahilong kasunod it anang pagdaog it kapin sa P17,000 sa Small Town Lottery (STL).
Owa eon nadaea pa sa ospital si Cesar Ocdina, tumandok it Metro Manila ag presenting naga-istar sa Barangay Bulwang, Numancia, Aklan matapos nga makit-an it anang katrabaho sa sueod it furniture shop sa Barangay Camanci Norte, Numancia ag ginadudahan nga gin-atake sa tagipusuon.
Base sa report, nadiskubre it anang katrabahong si Julio Malacas nga owa eon it kabuhi si Ocdina samtang nagakatueog sa pungkuan sa sueod it nasambit nga shop.
Nagpangayu it bulig si Malacas sa anang amo ag insigida nga gin-impormahan ro pulisya angot sa natabu.
Sa imbestigasyon it Scene of the Crime Operatives (SOCO), owa it indikasyon nga may foul play sa insidente bangod owa man raya it lastro sa eawas.
