Reklamo ag problema sa gihapon it sa Brgy. Manggan, Banga ro sangkaterbang eangaw.
Pahayag ni Ronel Billones nga grabe ro eanagw ag mabuhay eun nanda nga ginaprotesta apang uwa man it natatabo.
Base sigon sa pagsaysay it andang kapitan nga gindaea eun nana ro nasambitan nga problema sa Cong. Carlito Marquez apang sabat sigon kanda nga haman sigon sambilog eamang ro kapitan nga nagareklamo.
Nagabomba man sigon ro mga tawuhan apang masakit sigon sa ueo ro hugom.
Kun pangayuan man sigon sanda it mga bueong hay uwa sigon sanda it ginatao.
Suno kay Billones nga ku Enero hay naghiwat it pueong parte sa kun sin’o ro pabor ag bukon nga taw’an it permit ro poultry farm, nagdaog sigon sandang mga indi magsugot apang tinaw’an man sa gihapon it permit bangud sabat kanda hay patas eamang ro naging botohan.
Makit’an sigon sa likod it nasambitan nga farm ro mga ginapilak nga patay nga mga manok ag mga higko.
Pahayag nana nga mas manami sigon nga indi eun lang padayunon ro poultry ukon taw’an eun lang sanda it bueong kada buean kontra eangaw.
Hinyo nana sa mga kaingod nga barangay nga magbueoligan ag dapat sigon tanan nga kapitan hay magtingob agud nga masabat ro nasambitan nga isyu.
