-- ADVERTISEMENT --
KALIBO, Aklan—Ginpasiguro ni PNP Chief General Guillermo Eleazar nga magapadayun ro paglimpyo sa andang hanay.
Suno kana, ginapadasigan eon ro pag-resolba it mga kaso sa mga pulis nga naga-abuso sa andang posisyon ag kun mapamatud-an nga nakaangkon it pag-eabag hay insigida rayang paga-kakason sa serbisyo.
Gintaw-an it punto ni Eleazar nga indi kinahang-ean it Philippine National Police it mga miyembro nga abusador sa andang posisyon.
Nagaeaum man imaw nga pinaagi sa pilang ka mga programa ag reporma hay mapanumbalik ro respito ag kumpiyansa it publiko sa mga kapulisan.
Ginakinahang-ean sigon ro pagbueoligan it tanan agud nga maangkon ro katawhayan sa bilog nga komunidad.
-- ADVERTISEMENT --
