INTERNATIONAL News — Tuyo kara nga mas pang mapaeapad ro NATO buildup sa Baltic region kasunod it pagsalakay it Russia sa Ukraine.
Ro Norwegian troops nga ginaekipan it 44 nga soldado halin sa mechanised infantry battalion hay magapabaskog sa forward presence battlegroup it kaalyadong nasyon sa Lithuania nga nauna eon nga gindeploy ko 2017 bilang sabat sa pag-take-over it Russia sa Crimea peninsula halin sa Ukraine.
Kaibahan pa sa Norwegian enforcements hay ro ap-at nga CV90 infantry fighting vehicles, kun sa siin tatlo sa mga raya hay gin-transport it separadong eroplano , sangka Ukrainian-made nga Antonov An-124.
“In my company I have main battle tanks, I have new CV90s, highly technological, and a lot of other vehicles,” suno kay Captain Endre Saurstroe, commander it Norwegian troops sa Lithuania.
Nauna kara , gindugangan pa it Germany ro numero it andang tropa sa Lithuania.
Ro numero it NATO battlegroups sa Lithuania, Latvia ag Estonia, dating ginadumaeahan it Moscow apang makaron hay kaparte it European Union, posibleng mag-doble pa halin sa 3,400 troops sa pag-umpisa it dag-on sa masobra sa 6,000 sa masunod nga mga inadlaw.
Ginpahayag ni Norwegian Defence Minister Odd Roger Enoksen nga si Russian President Vladimir Putin ro magapanabat sa natabu nga tensyon.
