Ginpamilit it kampo ni dating House Speaker at Leyte Rep. Ferdinand Martin Romualdez nga uwa raya it planong mag-panaw sa nasyon ag maga-atubang sa reklamong ginpasaka kontra kana sa Office of the Ombudsman sa oras nga pormal imaw nga mataw-an it kopya kara.
Suno sa anang tagapaghambae nga si Atty. Elaine Atienza, una sa yugto pa eamang it preliminary investigation ro kaso ag uwa pa it napasaka nga kasong kriminal sa Sandiganbayan.
Sabton sigon nanda ro reklamo kun nabaton eon raya ag nagapabilin nga naga-iral ro presumption of innocence.
Ginpamilit man it kampo ni Romualdez nga uwa raya naga-likaw sa legal nga proseso ag nagapabilin nga sa Pilipinas samtang ginapatigayon ro imbestigasyon.
Kumpiyansa man sanda nga malimpyuhan it mamalidha ro anang pangaean sa oras nga mausisa nanda ro mga ebidensya.
