Ginapadasig eon ni House Deputy Minority Leader ag Akbayan Party-list Rep. Perci Cendaña ro proseso it extradition kay Kingdom of Jesus Christ founder Pastor Apollo Quiboloy.
Ginpamilit raya ni Cendaña matapos nga pormal nga hinyuon it Amerika nga i-extradite ukon itau eon sa andang kustodiya si Quiboloy para bistahon sa mga kasong human trafficking, sex trafficking ag iba pang pageabag.
Nagapati si Cendaña nga maskin nakakulong sa Pilipinas hay nagapabilin nga paeag si Quiboloy sa kabuhi it anang mga biktima bangud sa gina-angkon kara nga impluwensya sa politika ag resources.
Dugang pa ni Cendaña, makangieidlis ro kabastusan nga ginhimo ni Quiboloy base man sa mga testimonyang nagguwa sa pagpamati it Senado.
Suno kay Cendaña, dapat pag-bayaran eon ni Quiboloy ro mga krimen nga anang nahimo agud nga mataw-an it hustisya ag kalinong ro anang mga naging biktima.
