KALIBO, Aklan—Ginapasugtan eon ro mga restaurants ag iba pang food establishments nga mag-serve it aeak ag magbaton it dine-in costumers it kapin sa 75 porsyento it andang kapasidad sa idaeom it Modified General Community Quarantine (MGCQ).
Ro probinsya it Aklan kamana man ro isla it Boracay hay sa idaeom it MGCQ umpisa Agosto 1 hasta Agosto 15.
Base sa memorandum circular No. 20-39 it Department of Trade and Industry ukon DTI, ginapasugtan eon ro ‘relaxed’ operation sa mga dine-in service agud maskin paalin hay madugangan man ro andang kita.
Kaangot kara, ginapasugtan man ro magpamilya nga magkaon sa sangka lamesa basta may maipakita nga pamatuod nga sanda hay naga-istar sa sangka baeay.
Samtang, padayun pa gihapon nga igapatuman ro mga health protocols kapareho it pagsuksok it facemask ag pag-obserba it physical ukon social distancing.//
