KALIBO, Aklan—Nagaeaum ro mga football enthusiast nga maka-abanse ro Filipinas sa “knockout phase” sa nagapadayun nga FIFA Women’s World Cup.
Suno kay David Abella, sangka football enthusiast nga bangud sa kadaeag-an it Filipinas kontra sa New Zealand hay nakaangkon raya it tatlong puntos sa Group A.
Ginpierde ro Filipinas it Switzerland sa andang unang hampang ko nagtaliwan nga Biyernes sa score nga 2-0.
Sa Hulyo 30 suno kana hay maka-atubang it Filipinas nga Rank 46 ro Norway nga Rank 12.
Ginakabig sigon nanda nga ‘God’s gift’ ro makasaysayang 1-0 nga daog it Filipinas sa New Zealand kan-o eamang nga ginpatigayon sa Wellington, New Zealand.
Raya suno kana ro unang paghampang it anumang koponan it Pilipinas sa prestihiyosong FIFA World Cup.
Nasayuran nga ro historic goal it Philippine national women’s team hay naghalin kay Sarina Bolden.
Angot kara, nagpanawagan si Abella nga mag-eowas sa hampang nga football hay taw-an man it importansiya ro iba pang hampang kun sa siin posibleng mag-excell ro mga pinoy.
