Nag-abot eon sa masobra sa 200,000 ro kabilugan nga numero it foreign tourist arrivals sa Pilipinas, umpisa nga uman nga buksan ro mga borders it nasyon.
Suno kay Tourism Secretary Bernadette Romulo-Puyat, ro foreign arrivals halin sa United States ro nagpanguna sa listahan sa 43,744 visitors, nga ginsundan it Canada sa 9,618; United Kingdom sa 9,315; South Korea sa 8,440; ag Australia sa 8,212 tourists.
Dugang pa ni Puyat, ro pagbuhos it mga turista sa nasyon hay sangka manami nga tikang sa kadaeag-an it industriya sa andang pagpahaum agud nga batunon ro mga foreign tourists sa new normal.
Madumduman nga ko Pebrero 10 kat buksan it Pilipinas ro mga borders para sa foreign tourists, matapos ipatuman ro travel restrictions it haeos daywang dag-on bangud sa COVID-19 pandemic.
