-- ADVERTISEMENT --
Halin sa daywang sets nga pagkapyerde, nakasueod ro France sa semifinals it Olympic Games Paris 2024 men’s volleyball.
Sa una, matsa dehado ro France kontra sa Germany sa quarterfinals.
Apang, uwa ginpabay-an it Roosters nga mapas-eawan ro home crowd sa South Paris Arena 1, gintapos nanda ro hampang sa pinaagi it reverse sweep.
Ro defending Olympic champions hay nagsalig kanday Earvin Ngapeth ag Trevor Clevenot agud eowason ro koponan halin sa nagahilapit nga pagkapyerde ag umabante sa semifinals.
Nakapuntos si Ngapeth it 21 puntos, samtang si Clevenot hay may 20 puntos para sa home team nga makasambuwa nanda ro Italy sa masunod nga hampang.
-- ADVERTISEMENT --
