KALIBO, Aklan—Ginklaro makaron it Land Transportation Franchising and Regulatory Board ukon LTFRB nga uwa eon naga-agi sa andang taeatapan ro fuel subsidy nga para sa mga tricycle drivers.
Suno kay Atty. Jun Altura, spokesperson it LTFRB region VI, ro listahan it mga lehitimong tricycle drivers hay naisumite eon it kada lokal nga gobyerno sa Department of Transportation ukon DOT’r kon siin ro ulihing instruction kara hay i-download ro subsidiya sa mga field branches it Land Bank of the Philippines.
Madumduman nga nagmando si Pangueong Ferdinand Marcos Jr. nga pati ro mga tricycle drivers hay ieakip eon man sa pagataw-an it fuel subsidiya bangud nga sambilog man sanda sa pinakaapektado it sigidas nga pagtinaas ko presyo it langis.
Samtang sa pihak nga parte, ro fuel subsidy it mga pampublikong saeakyan hay una eon sa andang taeatapan ag nagaamat amat eon sanda makaron sa mag-communicate sa mga drivers/operators agud nga ma-claim ro andang ayuda.
