KALIBO, Aklan—Ginabantayan eon makaron ro hampang sa tunga it Golden State Warriors ag Boston Celtics sa TD Arena Massachusetts kon siin sangka daog eon lang ro kinahang-ean it warriors agud nga madeklarang kampeon makaron nga season it NBA finals.
Suno kay Mr. Basil Tabernilla, sangka sports analyst nga ginapanan-aw nga all-out ro effort nga igapaguwa it Boston bangud nga gusto pa it mga raya nga mabuhi ro andang tyansa nga makabawi para maangkon ro kampeonato.
Engkaso suno kana nga magpabaya ro Warriors hay may posibilidad nga mabueo it Celtics ro serye.
Sa pihak kara, medyo pursigido eon sigon ro Warriors nga matapos ro hampang ag nakit-an raya sa awra it mga players apisar nga sa balwarte it Boston ro hampang hin-aga it agahon.
Ginpahayag dugang ni Tabernilla nga uwa it koponan ro magatao it kumpyansa sa kada isaea bangud nga raya ro kritikal nga serye it hampang.
Samtang, engkaso nga magdaog ro Celtics sa andang homecourt, magabalik sanda sa Bay Area para sa winner-take-all sa Game 7 sa adlaw it Lunes.
