Ginarekomenda ni Sen. Sherwin Gatchalian sa gobyerno nga insigidang ipatuman ro pagrasyon it petrolyo tuga it nagapanipis eon nga stock it langis bangud sa giyera sa Middle East.
Ginmitlang ni Gatchalian, chairman it Senate PROTECT Committee, may pilang nasyon eon ro nagapatuman it fuel rationing agud nga makasiguro nga indi sanda maubusan it supply kun magabuhay pa ro giyera it Estados Unidos ag Israel kontra sa Iran.
Suno nga ginhimo eon sa Pilipinas ro fuel rationing bangud sa oil crisis ko dekada 70.
Magiging exempted man sa fuel rationing ro mga frontliner kapareho it mga ambulansiya, bumbero, Philippine National Police, Department of National Defense, Philippine Coast Guard ag iba pa.
Mas mabahoe nga alokasyon man it gasolina ag diesel ro dapat irasyon sa mga PUV driver, taxi, TNVS ag mga tricycle.
Bangud nga 60 diyas eon lang ro imbentaryo it langis, ginpahayag ni Gatchalian nga dapat nga tunga-on ro konsumo agud nga mapahaba ro adlaw it stock it nasyon.
Mag-eowas sa gas rationing, ginarekomenda man it PROTECT Committee ro price cap sa petrolyo, government to government negotiation it supply it langis, windfall tax sa mga kompanya it langis, VAT exemption sa petrolyo, pagsueong sa Downstream Oil Industry Deregulation Act of 1998, ag ro pagpadasig sa implementasyon it ASEAN Petroleum Security Agreement.
