Kalibo, Aklan-Pabor si dating provincial board member ag political analyst nga si atty harry sucgang, sa gindihon nga Resolution of Both Houses No. 8 ni Ilocos Norte Representative Angelo Marcos Barba nga nagatuyo nga makaangkon it term extension ro mga miyembro it House of Representatives.
Apang imbes nga makaangkon it limang dag-on nga termino ag sangka re-election, dapat suno kana nga obrahon eamang raya sa ap-at nga dag-on ag owa it limitasyon.
Sa makaron nga sistema hay tatlong dag-on ro termino it mga kongresista ag may tatlong consecutive term ukon kabilugan nga siyam nga dag-on. Masyado sigon raya nga kueabos sa oras agud nga mapatuman ro mga ginaduso nga mga plano ag proyekto.
Ginsuhestiyon man nana nga mayad nga obrahon nga pattern ro patakaran it amerika nga ro sangka kongresista hay may ap-at nga dag-on nga termino ag owa it limitasyon hasta nga gusto ag padayun nga iga-ilihir it mga botante.
Nauna eon nga ginpasiguro ni House Speaker Martin Romualdez nga ro anumang tikang para sa Charter Change hay para eamang sa economic provisions ag owa it anuman nga pulitika.
