KALIBO, Aklan–Naging manami ro pag-umpisa it NBA finals para sa koponan it Boston Celtics matapos nanda nga piyerdihon sa Game 1 ro Golden State Warriors ko adlaw it Biyernes sa score nga 120 to 108.
Suno kay Kalibo Sangguniang Bayan member Matt Aaron Guzman nga naging epektibo ro ginpakita nga depensa ag opensa it Celtics makaron nga season.
Raya hay bangud nga naka-focus sigon ro coach it koponan sa pagpabaskog it andang depensa.
Samtang, ro Warriors hay naka-focus man sa andang pagtao it puntos.
Ginapanan-aw man kara nga kinahang-ean it warriors nga makaangkon it adjustment sa andang diskarte eabi eon ag ginpa-ueanan sanda it three point shots pag-abot it 4th quarter.
Ro naging kapas-eawan it Warriors hay kauna-unahan makaron nga postseason sa sangka serye.
Samtang, nakataeana man ro Game 2 it daywang koponan sa maabot nga adlaw it Lunes.
