KALIBO, Aklan—Ginpasaeamatan it mga mangingisda halin sa barangay Navitas sa banwa it Numancia ro nabaton nga fuel subsidy cards nga may sueod nga P3,000 pesos.
Suno kay general president Ronilo Romulo it Navitas Fisherfolk Association nga pila sa andang mga miyembro nga nakabaton it subsidy card hay insigidang nag-agto sa accredited nga gasoline station agud nga magbo-oe it krudo ag gasolina.
Sa 139 nga mga mangingisda nga naghalin sa banwa it Numancia, masobra sa 50 ro naghalin sa andang asosasyon.
Angot kara, ginduea man nana ro mga isyu nga may pinilian ro pagtau it subsidiya.
Ro Fuel Discount Program suno kana hay gintaeana para sa mga mangingisdang may rehistradong baroto sa idaeum it Fish program it Department of Agriculture.
Gin engganyo nana ro iba pang mangimgisda nga magparehistro eon sa andang natungdan nga munisipyo para sa pagbaton it ayuda.
