Bukon it pabor ro grupong Alliance of Concerned Teachers sa plano nga pagsuspinde it subject nga mother tongue sa elementarya para mabuhinan ro naga-eksister nga kurikulom.
Ginpaathag ni ACT Philippines Secretary General Raymund Basilio nga mabahoe ro bulig it mother tongue subject sa pagtinueon-an sa eskwelahan bangud nga mahasa ag magamit ro kaugalingon naton nga lenggwahe.
Apang, ro nakikita nga problema hay uwa it bastanteng learning materials nga maging giya it mga manugturo sa andang pagturo sa mga estudyante.
Uwa man suno kana it ginaprovide nga eksaktong mensahe ukon meaning it kada kataga nga ginatur-an rason nga kinahang-ean pa it mga manugturo nga i-research raya nga dugang pa sa andang trabaho.
Ginpahayag dugang ni Basilio nga kon provided ro mga nagakadapat nga learning materials hay mas madali ro pagtinueon-an bangud nga kon maduea ro mother tongue subject hay magapangibabaw eon man ro lenggwaheng englis.
