Kalibo, Aklan-Padayon ro panawagan it public utility vehicles operators and drivers kapin eon ro mga uwa nagpaconsolidate nga ibasura eon ro Public Utility Vehikol Modernization Program bangud nga raya ro nagapatay sa andang pangabuhian eabi eon ro mga nagasalig sa pagbyahe sa mga nagapangunang karsadahon sa bilog nga nasyon.
Suno kay Elmer Forro, lead convenor it No To PUV Phaseout Coalition Panay nga linibo nga mga operators and drivers ag maging it mga commuters ro apektado sa Western Visayas bangud sa nasambit nga programa it gobyerno.
Gin-insister ni Forro nga uwa gintun-an it husto antes nga ginpatuman ro programa bangud nga base sa pilang grupo nga uwa nagpaconsolidate hay inde nanda masarangan ro presyo it modernong jeepney, mabahoe ro magiging buhin sa andang adlawan nga kita ag mas kapin pang maeogmok sanda sa kautangan bangud sa kawad-an it pangitan-an.
Handom nanda nga sa paaeabuton nga State of the Nation Address ni Pangueong Ferdinand Marcos Jr. nga may manami nga pamisaea nga mabatian angot sa Public Utility Vehikol Modernization Program ag bukon eamang it promisang pamisaea kundi aksyon eagi para sa ikamayad it transport sektor.
