Nag sumite it letter of appeal ro mga lider it Pambansang Lakas ng Mamamalakaya ng Pilipinas (PAMALAKAYA)-Aklan, Pagtililibyog it mga Mangunguma sa Aklan (PANGUMA) ag Bagong Alyansang Makabayan (BAYAN) –Aklan sa opisina it gobernador para magpangayo it suporta sa panawagan it mga mangingisda ag mangunguma nga ipanawagan sa Suprem Court nga bawion ro desisyon nga pagpasugot sa mga daeagko nga commercial fishing vessels sa Pilipinas.
Suno kay Kim Sin Tugna, tagapaghambae it BAYAN Aklan, nga ku una hay within 15 meters it municipal waters eang pwede makasueod ro mga daeagko nga commercial fishsing vessels, apang sa makara, ginasugtan eon raya nga makasueod within 15km maghalin sa shoreline.
Nagapanawagan sigon sanda sa lokal nga gobyerno nga mag issue it resolution nga maga-apela nga bawion ro desisyon it Supreme court bangud mabahoe raya nga kadueaan sa pangabuhian it mga maisot nga mangingisda bangud biskan sa makaron hay kinilo eon lang ro andang nadadawi.
Dugang pa nana, uwa it nagtuhaw nga rally, gusto eang sigon nanda nga makipag-dayalogo sa gobernador apang uwa raya idto kaya ginpareceive eon lang nanda andang letter.
Naghiwat eon lang man dayon sanda it fansign ukon photo ops para ipaabot sa mga pumueuyo nga ro mga mangingisda ag mangunguma sa pagpanguna it andang mga grupo hay naga-ubra it tikang para maprotektahan ro mga mangingisda.
