KALIBO, Aklan—Sa nagahilapit nga selebrasyon it paskwa, uman nga nagpadumdom sa publiko ro Bureau of Fire Protection nga maging responsable eabi eon sa paggamit it mga Christmas lights decoration sa panimaeay ag establisyimento agud nga malikawan ro sunog.
Suno kay SFO1 Paulo Neptuno, station commander it BFP Estancia, Kalibo nga tanan hay nagahandom it malipayon ag madinaeag-on nga selebrasyon kon siin maangkon eamang raya kon standard ro mga ginagamit nga Christmas lights ag bantayan ro mga kandila nga ginagamit.
Raya suno kana ro hugot nanda nga kampanya kon siin ro bilog nga ahensya hay naka full alert status ag handom nanda nga uwa it insidente it sunog nga marespondehan sa mga paaeabuton nga okasyon.
Mag-eowas kara, igalunsar man nanda ro “Iwas Paputok” para sa selebrasyon it Bag-ong Dag-on kon siin imbes nga mga paeopok ro himuon nga pampasangag sa pagsug-aeaw kara hay magpatunog eon lang it torotot ag iba pang bagay nga pangkalansing sa nasambit nga okasyon.
