KALIBO, Aklan—Pursigido nga magpasaka it kaso sa Inter-Agency Task Force on Emerging Infectious Diseases si mr. ronald gumboc may kaangtanan sa insidente it gina-alegar nga fake news sa banwa it New Washington sa katung-anan it pagpanaeasa it coronavirus disease ukon COVID-19 sa nasyon.
Suno kay Gumboc nga magapasaka imaw it obstruction of justice kontra kay new washington mayor Shimonette Peralta-Francisco, Joy Tope ag Kent Lachica, parehong empleyado it munisipyo it nasambit nga banwa ag ro mag-inang Igcasenza.
Ginpaathag ni Gumboc nga ro anang mensahe para sa anang mga igmanghud hay ginpadaea pinaagi sa private message, apang ginsapubliko raya it mayor Francisco sa anang FB account.
Mag-eowas kara, ginpasakaan man sigon imaw it kaso it mag-inang Igcasenza sa prosecutors office, civil service commission ag sangguniang panlalawigan matapos nga nadaeahig ro andang pamilya sa isyu nga nagtuga it trauma kanda.
Nangawa sigon imaw bangud nga owa man nana namitlang ro nasambit nga pamilya sa isyu.
Dapat man suno kana nga ro ginkasuhan nanda hay ro mga nag-post sa FB ag bukon it imaw.
Nagpanindugan dugang si Gumboc nga bukon it si SB member Rolly Equiña ro anang source nga may PUI ag PUM sa Brgy. Pinamuk-an rason nga owa dapat nadaeahig ro anang pangaean sa isyu.
