Nagapadayon ro implementasyon it gun ban maskin nga natapos eon ro 2022 national and local election.
Suno kay Police Major Willian Aguirre it Provincial Intelligence Unit it Aklan Police Provincial Office, uwa pa na-lift ro comelec gun ban rason nga inde magpakampante ro publiko bangud nga posible gihapon sanda nga makasuhan engkaso nga madakpan nga nagabitbit ro mga raya it armas.
Mag-eowas kara, sigidas man ro pagconduct it random checkpoints ag ro implementasyon it anti-criminality campaign.
Nauna eon nga ginpahayag it Aklan PPO nga generally peaceful ro bilog nga probinsya sa sueod it election period halin ko buean it Enero hasta ko Mayo 9.
Sa pihak nga parte, nakikipagbahin man ro mga kapulisan sa ginapatigayon nga pagbak-eas it mga campaign materials agud nga malimpyuhan eon ro palibot
