Almost statistical tie ro nagaguwa nga survey sa daeagan it US presidential race sa tunga nanday US Vice President Kamala Harris ag dating President Donald Trump sang adlaw antes ro eleksyon hin-aga nga adlaw, Nobyembre 5, oras sa Amerika.
Suno kay Bombo International Correspondent Arnel Noel Gellada it Houston, Texas nga halin kat gin-umpisahan ro early voting ko October 21 hay 77 milyon nga indibidwal ukon katumbas it 50% nga botante eon ro nakaboto ag magaresume ro botohan hin-aga nga adlaw sa mismong adlaw it eleksyon.
Kaparehas sa eleksyon sa Pilipinas, may mga nag-eontad man nga isyu sa pagpatigayon it pagbotohan sa Estados Unidos kon sa siin sa pilang estado hay nailista ro kasamaran it mga machines, may mga ballot boxes nga nasunog ag maabong iba pa.
Apang, ginpaathag ni Gellada nga makabig raya nga isolated cases nga insigida man nga nasolusyunan.
Samtang, ro manami sa Amerika hay uwa it election violence nga nagakatabo bukon it parehas sa Pilipinas nga may mga nailista nga paeatyan ag iba pang kinagamo nga may kaangtanan sa eleksyon.
Sa makaron suno kana hay ginabantayan eon ro mga ginakabig nga swing state bangud nga dikara posibleng magkatalo ro magtimbang nga kampo.
