KALIBO, Aklan—Baeantayan eon ro pagsambuwa it koponan it France kontra sa Argentina matapos nga sanda ro nag-abante sa final match it nagapadayon nga FIFA World Cup 2022 sa Qatar.
Suno sa football analyst nga si John Jayson Vergara, very exciting ro magiging hampang it daywang ka powerhouse team nga igapatigayon sa Lusail Stadium bangud nga sa kasaysayan it tournament, may tig-daywang ka kampeonato eon ro mga nasambit nga nasyon ag handom nanda nga madugangan ro andang stars eabi eon ro France nga gustong maangkon ro back to back win makaron nga world cup.
Sa parte it Argentina hay ginaeauman nga inde magpabaya ro star player nga si Leonil Messi nga ginakabig nga one of the greatest player of all times ag sa bahin it France hay hingabuton sigon ni Kylian Mbappe nga ginakabig man nga new best player in Europe nga makuhit ro tropeyo.
madumduman nga ginpyerde it Argentina ro Croatia sa score nga 3-0 sa semifinals samtang napatumba man it France ro Morocco sa score nga 2-0.
Igapatigayon ro hampang it France kontra sa Argentina sa final match sa adlaw it Dominggo sa Disyembre 18 , alas-11 it gabi-e.
