BALITANG Espesyal —- Sangka medical supply company sa Taiwan ro nakabaton it Guinness World Record matapos mag-obra it face mask nga may sukat nga 27 feet and 3 inches by 15 feet and 9 inches!
Ko Marso 25, ginpakita sa publiko it Motex Healthcare Corporation ro giant face mask sa Motex Creative House sa Changhua County.
Ro Creative House hay sangka educational tourist attraction nga ginapanag-iyahan it nasambit nga kompanya.
Kaibahan sa event via video chat ro sangka adjucator it Guinness World Records.
Ginkumpirma it nasambit nga adjucator nga raya ro largest surgical mask sa kalibutan ag 50 times larger sa sangka normal nga face mask.
Suno sa company officials it Motex, nag-umpisa ro andang ideya nga maghimo it giant facemask ko 2020 agud nga maging padumdum sa tanan it importansiya sa paggamit it face mask.
