Kinwestiyon ni Senadora Risa Hontiveros ro Department of the Interior and Local Government (DILG) kung hungod kara ro paghaon it mahinang kaso para mabuoe si dismissed Bamban mayor Alice Guo sa andang kustodiya.
Suno kay Hontiveros, nga irregular ro natabo. Bangud kara, nagsueat si hontiveros sa Regional Trial Court Branch 109 sa Capas, Tarlac ag Philippine National Police Custodial Center para padangupon Si Guo sa hearing it Senado sa Lunes.
Bagay nga inaprubahan man it korte ro ginpangayo kara nga hearing sa Senado. Sa minatood eang sigon hay dapat nabitbit eon ro suspendidong alkalde sa Senado pagkatapos maproseso it National Bureau of Investigation (NBI) o PNP si Guo.
Pamilit pa kara, nga dapat hay Sandigangbayan ro may buyot sa graft and corruption charges kuntra sa high ranking officials kaparehas ni Guo.
Suno man sa legal councel ni guo nga si Atty Stephen david, sa pagtan-aw kara mas gusto ni Guo nga magpabilin sa Senado bangod sa Senate detention facility naka-detain si Shiela Guo.
Apang uwa man sigon it gahom nga magpili si guo ag raya hay desisyon it Korte. Samantala, bangod nakataeana sa Lunes, Setyembre 9, ro pagdungog it Senate Committee on Women, Children, Family Relations and Gender Equality, gusto ni David nga magdangop ro anang kliyente sa hearing.
