Nagapanawagan ro daywang house leaders kay dating Presidential spokesperson Harry Roque nga bumalik eon lamang sa nasyon ag atubangon ro mga asunto nga ginakonekta kontra kana.
Ginhimo nanday Rep. Paolo Ortega ag Rep. Zia Alonto Adiong ro panawagan kasunod it pagbilog ni Vice President Sara Duterte it legal team para sa anang ama nga si dating Pangueong Rodrigo Duterte kun siin bukon kaibahan si Roque.
Hinambae it daywang lider it Kamara nga ro pinaka-manami nga ubrahon ni Roque hay bumalik sa nasyon ag atubangon ro Quad Comm.// sunog kay Ortega nga maabong mga pangutana ro dapat sabton ni Roque sa Komite.
Nagtao man it anang opinyon si Adiong kun haman uwa naeakot bilang legal counsel si Roque kara hay bangud posibleng magtao eang raya it problema.
Sayod it Bise Presidente nga may ginapangatubang nga isyu si Roque pareho it pagkaimbolbar kara sa iligal nga operasyon it POGO ag human trafficking.
Ginpamilit ni Adiong nga ro pagtago ni Roque hay intensiyonal bangud uwa raya naila nga mag-atubang sa quadcom.
Ro mga kasong paga-pasakaon kay Roque hay base sa actual evidence.
