KALIBO, Aklan—Ginpasiguro it pamunuan it Highway Patrol Group (HPG)-Aklan nga magapadayun ro andang operasyon para mapabilin ro katawhayan sa mga nagapangunang daeanon it probinsya.
Ginpahayag ni Police Executive Master Sergeant Anthony Guerero it HPG-Aklan nga haeos adlaw-adlaw ro andang pagpatigayun it checkpoint sa mga national highway.
Tuyo sigon it operasyon nga masigurong maayos ro daeagan it trapiko ag madakpan ro mga traffic violators.
Sa sueod sigon it daywang buean nana nga pagiging team leader it HPG hay medyo abo eon ro andang nadakpan.
Kaeabanan sigon sa andang mga nadakpan sa checkpoint hay mga motorista nga nagagamit it nutshell helmet ag nagamaneho nga owa it nagakaigo nga lisensya.
Ginpadumdum man kara ro mga rider nga maggamit it standard nga helmet ukon may ICC sticker kamana man nga magsunod sa traffic rules and regulations para makalikaw sa penalidad.
Ro Land Transportation Office (LTO) sigon ro nagatao it penalidad sa mga traffic violators.
